ՀՀ Քաղաքացու օրվա առթիվ նախատեսվող միջոցառումների շրջանակում Խոյ համայնքում կազմակերպվում է «Հայրենիքը պետությունն է: Սիրո՞ւմ ես հայրենիքդ՝ ուժեղացրու՛ պետությունդ» խորագրով հայրենաճանաչության, երիտասարդությանը հուզող թեմաներով բանախոսություն՝ 14-30 տարեկան երիտասարդների, հանրակրթական ուսումնական հաստատությունների բարձր դասարաններում սովորող աշակերտների մասնակցությամբ:
Ապրիլի 27-ին ժամը 11-ին Աղավնատուն բնակավայրի Մշակույթի տանը կայանալիք հանրային քննարկումների ընթացքում, որպես բանախոս հանդես կգա Օպերայի գլխավոր խմբավար Նարինե Ոսկանյանը՝ ով կներկայացնի պետության, հայրենիքի, քաղաքացու մասին իր պատկերացումներն ու փորձառությունը, հարցուպատասխանի ձևաչափով իր հաջողություններով ու ձեռքբերումներով կկիսվի քննարկումների մասնակիցների հետ՝ ոգեշնչելով, ոգևորելով երիտասարդներին։
Քննարկումներին կհաջորդեն մշակութային միջոցառումներ Խոյ համայնքի «Մշակույթի և սպորտի կենտրոն» ՀՈԱԿ-ի խմբերի մասնակցությամբ:
Սիրով սպասում ենք բոլորիդ: